Maar die uitdrukking waar dit sê: “Hy wat in die Vader se skoot is”, sê dieselfde as: Die oerwysheid van God of die eintlike mees innerlike Godwese is in die liefde, net soos die lig in die warmte tuis is, wat oorspronklik uit die magtige warmte van die liefde ontstaan en uiteindelik deur sy bestaan weereens warmte produseer, en dit op sy beurt altyd weer lig. Netso ontstaan uit die liefde, wat gelykstaande is aan die Vader en in die grond van die gronde die Vader Self is, maar wat nie twee, maar ten volle een met Hom, wat daar Vader genoem word, is, net soos die lig en die warmte of die warmte en die lig een is, deurdat die warmte voortdurend die lig en die lig voortdurend die warmte verwek. – Die Groot Johannes Evangelie, Boek 1, Hoofstuk 4, Paragraaf 13